Ташкентте дүниеге келген үшемге президенттің құрметіне Шавкат, Миромон және Мирзиё деп ат қойған ата-анасына Өзбекстан басшысы «Кобальт» маркалы көлік сыйға тартты. Бұл жөнінде жергілікті БАҚ хабарлайды.
Желтоқсан айының 18-де Ташкент шаһарында Руслан Корёгдиев пен Мохигул Шайкулованың отбасында үшем дүниеге келген. Олар үш ұлына Өзбекстан президентінің құрметіне Шавкат, Миромон және Мирзиё деген ат берген.
Осыдан бір жыл бұрын Хорезмде Мансурбек Матжоновтың отбасында туған үшемге де Шавкат, Миромон және Мирзиё деген есімдер берілген еді. 2017 жылы сәуір айында Бұхарада Жамшид Шодиевтің отбасында дүниеге келген үшемге де дәл осындай есімдер қойылған.
Өзбекстанда ұлдарына басшының есімін беру Ислам Каримов кезінде де болды. Мәселен Әндіжанда Ислам, Абдуғани және Каримжон есімді үшем тұрады.
KAZAKBOL.COM