KAZAKBOL.COM
АҚШ Конгрессі сенатының барлау ісі жөніндегі комитеті 3 шілде күні барлау қызметінің Ресей елдегі 2016 жылы өткен президент сайлауына президент Дональд Трамптың жеңуіне көмектесу үшін килікті деген тұжырымын қолдады.
«Комитет барлау қызметі жасаған сараптама мен ол негізге алынған дереккөздерді бір жарым жыл зерттеп, оған дау айтатын ілік таппады» делінген комитет төрағасы Ричард Берр таратқан мәлімдемеде.
Похожие статьи
Алайда, сенаттағы барлау ісі жөніндегі комитет өкілдерінің ұстанымы Өкілдер палатасындағы барлау ісі жөніндегі комитет мүшелерінің ұстанымына қайшы. Өкілдер палатасының барлау ісі комитеті биыл наурызда Ресейдің АҚШ-тағы сайлауға киліккені туралы өз есебін жариялаған. Ол есепте «Ресей Трамптың жеңіске жетуін тіледі деп қате тұжырым жасады» делінген. Құжат авторлары сонымен қатар Трамптың сайлау штабы адамдарының Кремльмен астыртын сөз байласқанын дәлелдейтін ашық мәліметтер жоғын да айтқан. Ресейдің АҚШ-тағы президент сайлауына ықтимал килігуін тергеуді арнайы прокурор Роберт Мюллер басқарады.
Америкалық БАҚ сенат комитетінің есебі Дональд Трамп пен Ресей президенті Владимир Путиннің 16 шілдеде Хельсинкиде өтетін келіссөз ауанына кері әсер етуі мүмкін екенін хабарлады. Сенаторлар барлау қызметінің «Ресей арнайы қызметі Трампқа Путиннің жеке тапсырмасы бойынша көмектескен» деген қорытындысымен келіседі.
KAZAKBOL.COM