KAZAKBOL.COM
АҚШ-тың Невада штатында Өкілдер палатасына сайлауда дауыс беруге бірнеше апта бұрын қайтыс болған 72 жастағы республикашыл Деннис Хоф жеңіске жетті. Енді оның штат парламентіндегі орнын республикашыл кандидат алады. Бұл туралы Reuters хабарлады.
Бұған дейін ол парламент сайлауына қатысу құқығы үшін таластағы праймеризде Невада өкілдер палатасының қазіргі мүшесі Джеймс Оскарсонды жеңген. 6 қарашадағы сайлауда Хоф Демократиялық партиясы атынан түскен қарсыласы Леся Романовтан 36 пайыз артық дауыс жинады.
Похожие статьи
Хоф өзінің қарамағындағы борделдердің бірінде 16 қазанда 72 жаста толған туған күн кешінен соң қайтыс болған. Бұл уақытта сайлау бюллетендері таратылып үлгерген, сол себепті штат билігі Хофты сайлаудан шығармады.
Хоф Невада штатында бірнеше бордельге қожалық еткен, бұған қоса ересектерге арналған Cathouse реалити-шоуына түскен. Саясаткер Дональд Трампқа еліктеген.
KAZAKBOL.COM