Өзбекстанның тұңғыш президентінің үлкен қызы қазіргі таңда жазасын Өзбекстан аумағында өтеп жатыр. Бұл туралы сәрсенбі күні Ташкентте өткен Халықаралық баспасөз клубы отырысында Өзбекстан бас прокурорының орынбасары Эркин Юлдашев мәлімдеді.
«Гүлнара Каримова сот белгілеген жазасын Өзбекстан аумағында өтеп жатыр», – деді Юлдашев.
Бұған қоса ол экс-бас прокурор Рашид Кадыровқа қарсы қозғалған қылмыстық іс барысы туралы да мәлімет берді.
«Бұрынғы бас прокурор Рашид Кадыров ісі бойынша тергеу аяқталуға жақын қалды. Ол туралы халыққа хабарланады. Біз сот уақыты мен өтетін орнын хабарлаймыз», — деді ол.
Еске салайық, өткен аптада өзбек үкіметіндегі шенеуніктер Кадыров ісі бойынша тергеу аяқталғанын, адвокаттарға іс материалдарымен 25 желтоқсанға дейін танысуға уақыт бергенін хабарлаған еді.
KAZAKBOL.COM