Бішкектің жаңа мэрі адал жұмыс істегісі келеді

Қалалық кенеш депутаттары бүгін сайлаған Бішкек мэрі Азиз Суракматов тұтқынға алады деп қорықпайтынын мәлімдеді.

«Мені тұтқындайды деп қорықпаймын. Мэр сайлауына дейін тағы екі жыл бар. Адал жұмыс істеймін», — деді журналистер сұрақтарына жауап берген жаңа мэр.

Суракметовқа қалалық кенеш детутаттарының 43-і дауыс беріп, біреуі ғана қарсы шықты. Кенеште барлығы 45 депутат бар. Суракметов бұл қызметке жалғыз өзі таласты. Жеңіске жету үшін көпшіліктің қолдауы жеткілікті болды.

Бішкек мэрін сайлауда наразылық акциялары болды. Белсенділер мэрді төте сайлауды талап етті. Олар мэрді Бішкек тұрғындарының өзі сайлауы тиіс деп есептейді. Орталық сайлау комиссиясы бұған дейін белсенділердің мұндай өтінішін қабылдамай қойған.

Бішкектің бұрынғы мэрі Албек Ибраимов қызметінен қалалық кеңес депутаттары оған сенімсіздік білдірген соң кеткен. Кейін оны Мемлекеттік қауіпсіздік ұлттық комитеті сыбайлас жемқорлық қылмысы бойынша күдікті деп таныған.

centralasian.org