Мұсылман мен христианнан туған баланы сүндеттеу керек пе, әлде шоқындыру керек пе?

Бұл туралы Ақтөбе облысының әкімі Бердібек Сапарбаевпен кездескен Орал және Ақтөбе архиепискобы Антоний айтып берді деп жазады Times.kz-ке сілтеме жасап Skifnews.kz.

«Мәселен, қазақ жігіті орыс қызға ғашық болып қалды. Бір-бірін қатты жақсы көреді, бірақ, діндері басқа. Не істеу керек? Мен мұны барлық облыстарда өткен кездесулерімде айтып жүрмін: ешқандай діни көзқарастарына қарамастан үйленулері керек. Егер ұл туып жатса алдымен сүндеттесін. Араға жыл салып шоқындыруға да болады. Кейін бала 13-14 жасқа толғанда оның өзіне түсіндіріп айтады, таңдауды да сосын өзі жасар», — дейді архиепископ Антоний.

Оның айтуынша, шіркеу қызметкерлері қазіргі таңда қазақ тілін де үйреніп жатқан көрінеді. Бұл келушілермен еркін тіл табысуға септігін тигізбек дейді ол.