Өзбекстан ТМД елдері арасында Ресейден ақша аудару бойынша алда келеді. Бұл жөнінде РФ Орталық банк мәліметінде айтылады.
Ресми мәлімет бойынша, 2018 жылдың соңғы үш тоқсанында Ресейден өзге елдерге 9 млрд 800 млн доллар ақша аударылған. Оның 3 млрд 50 млн-ы Өзбекстанға жіберілген.
Тәжікстанға 1 млрд 900 млн доллар жіберілсе, Қырғызстанға 1 млрд 700 млн доллар және Қазақстанға 500 млн доллар аударылған.
Өзбекстанның Орталық банкі 2018 жылдың алғашқы жарты жылдығында Өзбекстанға шетелден 2 млрд 300 млн доллар аударылғанын, олардың көп бөлігі Ресейден, қалғаны Түркия, Қазақстан, АҚШ және Оңтүстік Кореядан салынғанын мәлімдеген.
KAZAKBOL.COM