KAZAKBOL.COM
Еуроодақ АҚШ пен Ресейді орта және жақын қашықтықтағы зымырандар жөніндегі келісімде «конструктивті диалогқа» шақырды.
Бұл жөнінде Еуроодақ сыртқы саясат қызметінің ресми сайтында айтылған. АҚШ президенті Дональд Трамп өткен сенбіде Мәскеуді айыптап, Вашингтонның аталған келісімнен шығатынын мәлімдеген.
Еуроодақ таратқан мәлімдемеде зымырандар жөніндегі келісімнің Еуропа үшін әрі ғаламдық қауіпсіздік үшін маңызды екенін атап өткен.
Похожие статьи
Еуроодақ Ресей алыс және жақын қашықтықтағы зымырандар жөніндегі келісімді сақтайды деп, ал АҚШ қандай да бір шешім қабылдар алдында ойланады деп үміттенетінін жеткізген.
Зымырандар жөніндегі келісімге 1987 жылы қол қойылған. Онда Құрама Штаттар мен СССР 500-ден 5 мың шақырым қашықтыққа дейінгі ұшырылатын қанатты және баллистикалық зымырандарды сақтау, шығару және сынау мәселесі қаралған. Сонымен бірге қолданыстағы зымырандарды және жіберу қондырғыларын жою жөнінде айтылған.
Қазан айының басында НАТО-дағы АҚШ елшісі Кей Бейли-Хатчинсон АҚШ ресейлік зымыран қаруын алдын ала залалсыздандыруға ниетті, бұл аталған келісімді бұзады деп ескерткен. Қыркүйек айында Breaking Defence АҚШ-тың қорғаныс министрлігіндегі дереккөзге сілтеме жасап, Пентагон СССР құлағаннан бері бірінші рет 1600 қашықтыққа жіберілетін зымыран жүйесін әзірлеп жатыр деп мәлімдеген.
KAZAKBOL.COM