Шығыс Қазақстан облысында Орловск шахтасында екі шахтер қаза тапқан деп хабарлайды жергілікті ақпарат агенттіктері.
Оқиға 2 желтоқсанда таңертеңгі сағат 9-дар шамасында болған. Оқиға орнынан ессіз күйде табылған тағы бір жұмысшы ауруханаға жеткізілген. Оның жағдайы бірқалыпты. Оқиғаның себептерін арнайы комиссия анықтап жатыр.
Орловск шахтасы Шығыс Қазақстан облысы Жезкент қаласындағы «Востокцветмет» кәсіпорынына қарайды. Оған иелік ететін KAZ Minerals компаниясы Қазақстанда ірі мыс өндіруші саналады.
KAZ Minerals PLC акцияларының үштен бірі миллиардер Владимир Кимге тиесілі.
KAZAKBOL.COM