KAZAKBOL.COM
Қара теңіз жағасында орналасқан Түркияның Самсун қаласында картингпен жүрген түркімен қызы жарақат алды. Бұл жөнінде түрік басылымдары жазды. Бойжеткеннің шашы машина дөңгелегіне оралып, бас терісі сыпырылып кеткен.
Қызға бас терісі мен шашын қалпына келтіру үшін операция жасалған. Дәрігерлер қыз жасанды комадан шыққанымен жағдайы ауыр дейді.
«Шашы дөңгелекке оралып қалуы нәтижесінде, бас терісі бас сүйегінен ажырап кеткен. Сол себептен 19 май атындағы университеттің биология факультетінің 4-курс студенті, 22 жастағы түркіменстандық Нуржемал Анналиеваға ота жасалды. Ол өте ауыр жағдайда түскендіктен біз оны жасанды комаға түсірдік. Қазір ол өзіне келді, сұрақтарға жауап береді. Бірақ ол өзіне не болғанын білмейді», — деді емхананың бас дәрігері Реджеп Санджак.
Похожие статьи
Жергілікті «Сабах» газетінің тілшісі Мурат Али зардап шеккен Нуржемал Анналиевамен сөйлескенін жазады. «Мен мұндай машинаға бірінші рет міндім. Оның алдында бірнеше рет жәй бақылағам. Біз достарымызбен картингпен жүріп, көңіл көтергіміз келді. Бірақ маған шашымның ұзындығы қауіп келтіруі мүмкін деп ескерткен. Біз бірінші айналым жасаған кезде, менің шашым дөңгелекке оралып қалды, мен құлап қалдым. Бірақ ешкім маған шашыңды жинап ал деп ескертпеді. Бұл олардың салғырттығы болды. Мен кінәлілерді сотқа беремін», — деген зардап шеккен қыз.
Самсун қаласының полициясы бұл іске қатысты қылмыстық іс қозғалғанын мәлімдеді.
KAZAKBOL.COM