Қытайдан келген оралмандар және Қытайдағы этникалық қырғыздардың туыстары Қырғызстан президенті Сооронбай Жээнбековке хат жазды. Олар Қытайдағы «тәрбиелеу лагерлеріндегі» туыстарын босатуға көмектесуін сұрады.
Хат авторларының «Азаттыкқа» хабарлауынша, этникалық қырғыздарды мұндай лагерлерде ешқанда себепсіз ұстап отыр.
Ресми мәлімет бойынша, Кызыл-Суй автономиялық округінде шамамен 160 мың қырғыз тұрады. Қытайдан келген этникалық қырғыздар «Азаттыкқа» бұған дейін де жүгінген. Олар туыстарынан хабар ала алмай отыр, ұсталған қырғыздар туралы мәлімет жоқ.
Қытайдың Шыңжаң өңіріндегі «саяси тәрбиелеу лагерлері» туралы 2016 жылдан бері айтылып келеді. Қудалауға ұшырағандар бұл лагерлерді түрме деп атаса, Қытай билігі оларды оқу орталықтары деп таныстырған.
23 қарашада онға жуық қырғызстандық және Қытайдағы этникалық қырғыз Алматыда баспасөз конференциясын өткізді.
KAZAKBOL.COM